حابين نطمنو مستعملينا إنو فريق Flouci متابع بكل جدّية المنشورات اللي قاعدة تدور مؤخرًا على بعض المجموعات في تيليغرام، واللي فيها حديث على نشر معطيات شخصية (كيف بطاقات تعريف وصور أشخاص) يُقال إنها تخص مستعملين من Flouci.

بعد القيام بالتحريات اللازمة:

• المعطيات التي تم تداولها ما عندها حتى علاقة بالمعطيات الموجودة عند Flouci.
• ما سجلنا حتى عملية اختراق أو تسريب من أنظمتنا الداخلية، وقد تم التأكد من سلامة البنية التقنية للمنصة بشكل كامل.
• بالنسبة للصور (screenshots) اللي توري تفاصيل معاملات مالية، نحب نوضح إنها عمليات قديمة مرّت عبر الأبليكاسيون، ولقد وقع حذف تاريخ المعاملات للمغالطة.
• البيانات متاع مستعملينا محمية بتشفير متقدم، وباعتماد أعلى معايير السلامة الرقمية الدولية، وتخضع لرقابة دورية صارمة من فرقنا التقنية المختصة.

حول إجراءات السلامة في Flouci:

Flouci يتبع بشكل دائم ضوابط صارمة في حماية البيانات، وهو ملتزم بجميع القوانين والمعايير المطلوبة في المجال، ونشتغلو بصفة مستمرة على تحسين وتطوير أنظمتنا لضمان أقصى درجات الأمان, علما أن Flouci ممتثلة للمعايير الوطنية و الدولية في حماية المعطيات الشخصية والسلامة المعلوماتية.

نصائح لتأمين حسابك وتفادي محاولات التحيّل:

رينا فما محاولات تصيّد احتيالي قاعدة تصير برسائل و معلومات مزيفة منشورة على شبكات التواصل الإجتماعي، ويطلبوا منك معلومات شخصية باش يسرقو فلوسك أو معطياتك. باش تحمي روحك:

•  ما تعطي حتى حد كود التفعيل (OTP)، كود PIN، أو أي معلومة شخصية تخص حسابك، حتى لو قالك إنه من فريق Flouci.
• ما تنشرش بياناتك الشخصية (كيف رقم هاتفك أو صورتك أو CIN) على شبكات التواصل الإجتماعي أو على المواقع المشبوهة.

إتصل بينا من الأبليكاسيون أو من الموقع  متاعنا فقط. فريقنا ديما موجود باش يعاونك، وإذا عندك أي استفسار أو تحب تتأكد من أي معلومة، مرحبا بيك إتصل بينا على الأبليكاسيون.  

ثقتكم هي الأساس، وسنظل ملتزمين بتقديم خدمات آمنة، قانونية، ومبتكرة لكل التونسيين.